వదులుకు పోరాదా మనసా ||వదులుకు||
ముదములు బాధలు మూడునాళ్ళవే
పదపడి పట్టుకు బ్రతుకగనేల ||వదులుకు|
ఎందుకుగలవీ ఎండమావులో ఎరుగలేకపోతి
విందువినోదపు విపరీతమ్ముల విర్రవీగుచుంటి
ద్వంద్వములన్నియు ధ్వంసము కాగా త్వరపడి నీవే ||వదులుకు||
తాపత్రయముల తామసాదులను తగిలియుండనేల
చేపగాలమున చిక్కియున్ననిక సేమముండగలదా
ఆపదతెలిసీ అగ్గిని తాకుట అజ్ఞానమ్మిది ||వదులుకు||
No comments:
Post a Comment