వినలేదా వినలేదా
సడిచేయని కదలికలను
వినలేవా వినలేవా
ఆ పదములను
అదుగో అరుదెంచెను
అదుగదుగో అరుదెంచెను
అరుదెంచెను అరుదెంచెను ….అరుదెంచెనూ.... ||అదుగో||
ప్రతి క్షణము ప్రతి యుగము
ప్రతి రేయీ పవలూ
నా పాటల అనుభూతులు
స్వరసంచారములూ
నినదించెను రవళించెను ||అదుగో||
ఆమని నెత్తావుల్లో
ఈ వనసీమల్లో
వానల్లో మెరుపుల్లో
హరివిల్లుల్లో
ప్రసవించెను ప్రవహించెను ||అదుగో||
ఆ అడుగుల జాడలె ప్రతి
గ్రుచ్చే వేదనలో
ఆ అడుగుల జాడలె ప్రతి
విచ్చే వేడుకలో
అణగించెను అలరించెను ||అదుగో||
