క్షణం క్షణం
యుగం యుగం
అదే వ్రతం అనారతం || క్షణం||
నీ జీవస్పర్శ పులకితం
కదా కణం కళేబరం
అకశ్మలం అకల్మశం
చేయగానకుంఠితం || క్షణం||
లోలోన నీవు సత్య
జ్ఞానజ్యోతివై జ్వలించగా
నసత్యముల్ దహింపగా
నయుక్తముల్ నశింపగా || క్షణం||
హృదాంతరాళవాసి నిన్
సదానురాగమాలలన్
కైసేయగా ప్రయత్నముల్
సుదుర్గుణాల్ శమింపగా || క్షణం||
ప్రతీ పనీ ప్రయత్నమూ
నీ ప్రేరితం కదా ప్రభో
నీ సంతకం నిరంతరం
నా చేతలన్ స్ఫురింపగా || క్షణం||