రవీంద్రుని గీతాంజలి : -15 ; నా ప్రయత్నం

నీ కోసమె యీ జీవము ! నా గానము !

నీ కొలువున ఈయవా  చిరు స్థానము !

                              || నీ కోసమె||

ఈ జగతిన నా పనేమిటి... శూన్యము

పాడు చున్నది ఏవో పాటలు ప్రాణము

                               || నీ కోసమె||

నిశను నీరవ దేవాలయమున

ఆశ తీరగ ఆనతీయుము  ||2||

శాసింపుమా  పవళింపుసేవకు

        ప్రభూ....! ప్రభూ... ! ప్రభూ....!

శ్వాస గానము చేసి పాడెద ఒసగుమీ ఈ పుణ్యము !

                               || నీ కోసమె||

వెలుగుతీగెల పసిడి వీణియ              

చలితమయ్యే సుప్రభాతము  ||2||

గాలి గుసగుసలాడు వేళను

           ప్రభూ....! ప్రభూ... ! ప్రభూ....!

నిలుపు నీ సాన్నిధ్యము కలుగనీ  సమ్మానము !

                               || నీ కోసమె||