అలసి నిదురబోవుచునుండె... ఈ తీరము
అలల వడికబురులు పంపె.. ఆ తీరము
తప్పదేమో ఈ వియోగం
తెప్పపై నా ప్రయాణం
నేస్తమా... శెలవిక..శెలవిక...శెలవిక..||అలసి||
నేలనొరిగి నలిగిన పూవుల వేదనేదో
రాలిపోవు ఆకుల రొదలో గాథలేవో
బ్రతుకిదే భారము
తెగెను ఆధారము
వాసంతమా .. శెలవిక... శెలవిక...శెలవిక..||అలసి||
కనుచూపు నిండిన శూన్యత .. కాసారమా
మనసులో ఎగసిన చేతన .. సంగీతమా
ఈ గాలి సరాగాలేవో
లో లో తరంగాలయ్యే
కాలమా.. శెలవిక... శెలవిక...శెలవిక..||అలసి||
No comments:
Post a Comment