కలలనె కన్పడు మయ్యా దేవా
మెలకువ వచ్చిన మొదటికె మోసము ||కలల||
కన్నులు తెరిచిన కమనీయంబుగ
అన్నుల మిన్నలె అగుపింతురుగా |2|
చిన్నగనైనా చిత్తమునందున
అన్నన! నీ స్మృతి అరుదుగదయ్యా ||కలల||
నయనము చూపును నలుదిశలందున
మాయాలోకము మతి చెదరా
|2|
స్వయముగ నీవే రయముగ వచ్చిన
భయపడి ప్రక్కల పారెదనేమో ||కలల||
తర్కముతోనే తర్జనభర్జన
మర్కట గతినే మందునయా
|2|
అర్కుని జ్వలనము అగ్గిపుల్లతో
మూర్ఖముగా మది పోల్చుట తగదుగ ||కలల||
నిదురను వీడిన నిత్యము ఏదో
కదనమె కాదా ఖర్మమున
|2|
ముదములుబాధలు ముసిరెడి వేళల
కుదురుగ యుండుట కుదరదు గానీ ||కలల||
No comments:
Post a Comment