రవీంద్రుని గీతాంజలి :- 40 ; నా ప్రయత్నం

సడిలేని వేడిదాడి

నా ఎడదలో ఎడారి

మరలించరా.. తొలగించరా

వడగాలిని జ్వాలని జాలిని పూని ||సడి||

క్రూరనిరంకుశ నిశ్చల గ్రీష్మం

వ్యగ్రమహోగ్ర దవానల భస్మం

మరలించరా.. తొలగించరా..

వడగాలిని జ్వాలని జాలిని పూని  ||సడి||

దినములుడిగిపోయే చిరు చినుకు జాడ  కఱవే

దివము వలువ లిగిరె కనుచూపుమేర కఱవే

దయచేసి ఆర్పు నిట్టూర్పుగాడ్పు||2||

ఈ ఎండను మండెను గుండియ బీడు ||సడి|| 

పగను పూనినావో పెను ఉప్పెనవ్వరాదో

కాలమేఘముల కాలపాశముల ముట్టడించరాదో

ఝళిపించరాదొ కొరడాలమెరుపు||2||

నలుదిక్కుల చెక్కిలి చిక్కగ కారగ ||సడి||

నిప్పులు చెరిగే నాన్న కోపమును

తప్పించెడి తడికొంగు నీడవై....

కరుణించరా.. శరణంటిరా

జలదమ్ముగ అమ్మగ నమ్మితి నయ్యా ||సడి||