ఎన్నడైనా ఆడగలడో అమ్మ ఒడిలోని
నేలమ్మ ఒడిలోని
తనివితీరా పరివశించగ
తనువు చెమటల సుగంధించగ
||ఎన్నడైనా||
జలతారు బంగారు చేలములు కట్టేను
విలువైన రతనాల నగలేవొ పెట్టేను
కట్టెనవి ఆ గొంతు పట్టెనవి చూడు
అడ్డెనవి తడబాటునద్దెనవి చూడు
||ఎన్నడైనా||
నలుగునో చిరుగునో చేజారిపోవునో
అదురుతో బెదురుతో అలసిపోయేవాడు
తలుపులన్నీ మూసి ఏకాంత సౌధాన
కదలకుండా ఉన్న ఆ వెఱ్ఱి వాడు
||ఎన్నడైనా||
ఏ సుఖములిచ్చు నీ అపరంజి చెరసాల
చైతన్యమీ గాలి నీరు నింగీ నేల
కలసి సందడి జేయు ఈ బ్రతుకు జాతర
పిలుపు నడగించేటి బహుపరాక్కుల తోడ
||ఎన్నడైనా||
No comments:
Post a Comment