రాత్రి చెమటలో బాగా తడిసిన బొగ్గులు.. చీకట్లు
అగ్గిపుల్లలు అయిపోతున్నాయి
నిస్తేజంగా చేతులనుండి రాలిపోతున్నాయి
గాలి మారాం చేస్తోంది
నిద్దుర మత్తు ఇంకా వదిలినట్టులేదు
రోడ్డు నిర్మానుష్యంగా ఉంది.
మొత్తానికి మంట రాచుకుంది
చుట్టూ చూశాడు
రోడ్డు నిర్మానుష్యంగా ఉంది
కర్రల్ని సర్ది కూర్చున్నాడు
మొక్కుబడిగా
ఓ కుక్క చూసి పోయింది
ఎక్కడో చిన్న శబ్దం
టి.వి అయ్యుంటుంది
మెల్లగా లేచాడు
రెండు ఫొటోలు తీశాడు
తన పని అయ్యిపోయింది
ఈసారి బాగా జరిగింది!
.... జరిగింది
రోడ్డు నిర్మానుష్యంగా ఉంది
లోపలికి వెళ్ళి టి.వి ముందు కూర్చున్నాడు
అప్పుడప్పుడు కిటికీలోంచి చూస్తున్నాడు
మార్నింగ్ వాక్ చేస్తున్న జనాలు
ఆరుతున్న మంటని చిరాగ్గా చూస్తున్నారు
వాతావరణ కాలుష్యానికి ఇది పరాకాష్ఠ అన్నట్లు
‘మా కాలంలో వీథి అంతా కలసి వేసేవారు
ఇప్పుడు ఏ ఇల్లుకాఇల్లే’
ఒకావిడ సన్నాయి నొక్కులు
సముద్రంలో ఉప్పుబస్తాలా ..
భోగిమంట .. చీకట్లో మెల్లగా మమేకమైయ్యింది
Subscribe to:
Post Comments (Atom)
2 comments:
NICE......ఈసారి బాగా జరిగింది!
gundelu pindesav :)
Post a Comment