ఆకాంక్ష

గాలి కొరకు ఎదురు చూస్తే .. సుడిగాలి రేగింది
నీటి చుక్క వెతుకుతుంటే.. వరద ముంచి పోయింది   ||గాలి||

ఎండమావులె ఆసరా, ఈ ఎడారి దారులా
సాగుతోంది నా పయనం, అంతులేని జీవనం

నీడ కొరకు విత్తునేస్తే... మరులుతీగ ప్రాకింది  ||గాలి||

అందలేని ద్రాక్షకు ఎదురుచూపులుండునా
కంచికెళ్ళు కథలను ఆగమంటె ఆగునా

చిరునవ్వుకు ఆశపడితే.. నవ్వులపాలయ్యాను  ||గాలి||

అమావాస్యరాతిరిలో అలముకున్న చీకటిలో
వెతుకుతుంటి నా గమ్యం వెతశరాల కౌగిటిలో

వెలుగుకొరకు ఎదురుచూస్తే.. నా.. చితిమంట ఎగసింది  ||గాలి||