పిలుపు

అమావాస్య రాతిరిలో
ఆ శ్మశాన వాటికలో

రమ్మనీ .. రారమ్మనీ
పిలుస్తున్నాయి.. కంకాళాలు
అరుస్తున్నాయి .. కళేబరాలు.. మానవ కళేబరాలు

కూసిందొక తీతువు పిట్ట
నవ్విందొక బావురుకప్ప

నక్క ఊళలు గుడ్లగూబలు
నీకోసం చూస్తున్నాయి
నీ చితికై వేచున్నాయి!

వినలేదా మరణ మృదంగం
కనలేవా మృత్యువు హర్మ్యం

రాబందుల రాజ్యంలో
పిశాచాల లోకంలో
నీకోసం చోటుంచాను
నాప్రక్కనె పాతేస్తాను

నీచుట్టూ రాతిరి నలుపు
నేలంతా బూడిద తెలుపు
నీచితిపై మండే ఎరుపు
నీకిదియే ఆఖరి వెలుగు

చెరిపేస్తా రంగుల భేదం
కలిపేస్తా సంతసఖేదం

గతమేలే నీకీ లోకం
ముందంతా శాశ్వత మైకం