చుట్టూ బురద పెదవికి రంగేస్తోంది.. మెదడును మింగేస్తోంది
మెల్లమెల్లగా దిగిపోతున్నాం దిగబడిపోతున్నాం
దానిలోకి నేను .. నాలోకి అది
ఒక చిన్న ... చూపు చాలు .. కూరుకుపోతున్నా
ఒక చిన్నచూపు చాలు .. కూరుకుపోతున్నా
చూస్తుండగానే...తెలిసి.. తెలియకుండా
మౌనంలోకి లాగేస్తుంటే శూన్యంలోకి చుట్టేస్తుంటే
నిశ్చలంగా.. పద్దతిగా
గించుకుంటూ.. చిందరవందరగా
ఎవరూ లాగటం లేదు
నా బరువుకే .. కూరుకుపోతున్నా
నాలో నేనే ... కూరుకుపోతున్నా
ఇది సాలెగూడు కాదు.. ఆహారమైనా కాలేను
ఇది ఒక ఊబి!... మదిచూపుమేర!
కుంటికాలు కొట్టుకుంటోంది
ఇక్కడ జడత్వం, చైతన్యం
ఒకే దిశ కు సూచకాలు
ఒకే స్థితికి సాధకాలు
భూస్థాపితానికే సహాయకాలు
కుంటికాలు కొట్టుకుంటోంది
కాపాడే చెయ్యి
తొక్కిపడేసే కాలు
ఏదైనా ఒకలాగే
నాతోనే.. లోలోకి
No comments:
Post a Comment