మాయ కమ్మిన మనిషి మంచిచెడులెంచకే చిలకా..
నిన్ను నన్ను ఆడించే దైవాన్ని తెలుసుకో చిలకా!
చేసేది నువ్వైనా చేయించు వాడెవడో ...
ఆచరణ నీదైనా
ఆలోచనెవరిదో....!
పాప పుణ్యాలగోలా నీకెందుకే చిలకా..!
నిన్ను నన్ను ఆడించే దైవాన్ని తెలుసుకో చిలకా! ||మాయ||
ఎగిరెగిరి పడుతుంది,
అటు ఇటుపోతుంది..
పట్టుకుందామంటే
చేజారిపోతుంది...!
మనసులోని మర్మమింక మరచిపో చిలకా..!
నిన్ను నన్ను ఆడించే దైవాన్ని తెలుసుకో చిలకా! ||మాయ||
నిజమనిపిస్తుంది, ఆశకలిగిస్తుంది......
కలలా కనిపిస్తూ
శూన్యమైపోతుంది..!
జీవితమేదైనా జీవించవే చిలకా..!
నిన్ను నన్ను ఆడించే దైవాన్ని తెలుసుకో చిలకా! ||మాయ||
